قوباد تاڵەبانی جێگری سەرۆک وەزیرانی هەرێم رایگەیاند، بەهێزترکردنی رێکخراوەکانی کۆمەڵگای مەدەنی و چالاکترکردنی رۆڵی گەنجان لەناو ئەو رێکخراوانەدا دەرگا بەڕووی گەشەسەندنی وڵاتەکەمان لە بوارە جیاوازەکاندا دەکاتەوە.
ئەمڕۆ پێنجشەممە قوباد تاڵەبانی جێگری سەرۆکی ئەنجومەنی وەزیران لەگەڵ ژمارەیەک لە گەنجان و نوێنەرانی چەندین رێکخراوی کۆمەڵگای مەدەنی لە سنووری هەولێر کۆبووەوە.
لە کۆبوونەوەکەدا گفتوگۆ لەبارەی چۆنییەتی بەهێزترکردنی رۆڵی رێکخراوەکان لە کۆمەڵگاداکرا و قوباد تاڵەبانی پشتگیری تەواوی خۆی بۆ دووپات کردنەوە.
هەر لە کۆبوونەوەکەدا جەختیکردەوە، بەبێ کۆمەڵگەیەکی مەدەنی بە‌هێز و بەشداریی زیاتری گەنجان لە پرسە جۆراوجۆرەکاندا گەشەسەندنێکی بەردەوام و راستەقینەی سیاسی و ئابوری و کۆمەڵایەتی بەدینایەت.
