بەبۆنەی هاتنەوەی مانگی پیرۆزی رەمەزانەوە مەكتەبی سیاسیی یەكێتیی نیشتمانیی كوردستان پەیامێكی پیرۆزبایی ئاراستەی موسڵمانان دەكات كە ئەمە دەقەكەیەتی:
بەبۆنەی هاتنەوەی مانگی پیرۆزی رەمەزان، گەرمترین پیرۆزبایی ئاراستەی هەموو موسڵمانانی كوردستان و عێراق و جیهان دەكەین، ئومێدەوارین مانگی رەمەزانی پیرۆز، مانگی خێرو خۆشی و قوڵبوونەوەی گیانی لێبوردەیی و ئاشتی كۆمەڵایەتی بێت بۆ گەلەكەمان.
لەیەزدانی مەزن داواكارین، لەم مانگە پیرۆزەدا، هەمووان بەدووربن لە هەركێشە و نەهامەتییەك و بە تەندروستییەكی باشەوە رۆژوو و ئەركە ئاینیەكانیان جێبەجێبكەن، هەروەك هێز و لایەنە سیاسییەكان ئەم مانگە پیرۆزە بكەنە دەرفەت بۆ ئاشتەوایی گشتی و بەرژەوەندییە باڵاكانی میللەتەكەمان بخەنە پێش بەرژەوەندییە تایبەتییەكانیانەوە.
مەكتەبی سیاسی
یەكێتیی نیشتمانیی كوردستان
