بە تۆمەتی راوکردنی ئاژەڵ و باڵندەی کێوی سێ راوچی دەستگیرکران.
بەڕێوەبەرایەتیی پۆلیسی دارستان و ژینگەی سلێمانی لە راگەیەندراوێکدا بڵاویکردەوە، “بە مەبەستى رێگریکردن لە سەرپێچییکاران و پاراستنى گیانى ئاژەڵ و باڵندە کێوییەکان مەفرەزەیەکى هاوبەشى بارەگاى بەشى پۆلیسى دارستانى (چەمچەماڵ + بنکەى تەکیە + بنکەى شۆڕش )دەرچونێکى مەیدانیان ئەنجامدا و کێوماڵی سنوورەکەیان کرد “.
دەشڵێت، لە ئەنجامدا و لە سنوورى گوندى (عەلى مەنسور) تونیان سێ راوچى دەستگیربکەن کە بە مەبەستى راوکردن هاتبوونە سنوورەکە .
لە راگەیەندراوەکەدا هاتووە، “ئێستا پەڕاوى لێکۆڵینەوە کراوەتەوە و بۆ گرتنەبەری رێکارى یاسایی، رادەستى دادوەر کراوە”.
