بافڵ جەلال تاڵەبانی سەرۆكی یەكێتیی نیشتمانیی كوردستان ڕایدەگەیەنێت، ئەمڕۆ هەشت ساڵ بەسەر ئەو كارەساتە گەورەیەی شەنگال تێدەپەڕێت و تاوەكو ئێستاش سیماكانی ژیان لە شەنگال بەدیناكرێن.
لە ساڵڕۆژی داگیركردنی شەنگالدا، بافڵ جەلال تاڵەبانی سەرۆكی یەكێتی نیشتمانی كوردستان دەڵێت، “سەری ڕێز بۆ شەهیدان دادەنەوێنین و بەڕێزەوە یادی قوربانییانی ئەو كارەساتە لەبیرنەكراوە دەكەینەوە و ئەمڕۆ هەشت ساڵ بەسەر ئەو كارەساتە گەورەیەدا تێدەپەڕێت و تاوەكو ئێستاش سیماكانی ژیان لە شەنگال بەدیناكرێن”.
سەرۆك بافڵ ئاشكرایدەكات، “شەنگال بووەتە قوربانیی ململانێ سیاسییەكان و هەوڵەكان بۆ گەڕانەوەی دانیشتووانەكەی و ساڕێژكردنی برینەكانیان لاوازن، ئەركی حكومەتی هەرێم و حكومەتی عێراقە هەنگاوی جددیی و كرداریی بنێن لەپێناو چارەسەركردنی كێشەكان و گەڕانەوەی هیوا بۆ خوشك و برا ئێزدییەكان”.
سەرۆك بافڵ جەلال تاڵەبانی جەختیكردەوە، “یەكێتیی نیشتمانیی كوردستان بە هەموو شێوەیەك پشتیوان و هاوكاری هەر هەنگاوێكە كە ببێتە مایەی بووژاندنەوە و سەقامگیری لە شەنگال و گەڕانەوەی دانیشتووانەكەی و پشتیوان دەبین بۆ گەڕاندنەوەی ئازیزانمان و بەجینۆسایدناساندنی ئەو تاوانە گەورەیە و دروود بۆ ڕۆحی پاكی شەهیدانی شەنگال و سەرجەم شەهیدانی ڕێگای ڕزگاریی كوردستان.
