ئاماری نوێ راگەیەندرا.. لە رۆژئاوا گورزی بەهێز لە گرووپەکان دراوە

هێزەکانی سوریای دیموکرات، هەسەدە رایگەیاند، ژمارەی کوژراوانی گرووپەکانی سەر بە تورکیا بەرزبووەتەوە بۆ 72 چەکدار.

ئەنجومەنی سەربازیی منبج کە سەر بە هێزەکانی سوریای دیموکراتە ئاماژەی بەوەشکردووە، لە دژی هەوڵەکانی هێرشکردنە سەر باشوور و رۆژهەڵاتی شاری مەنبەج و لادێکانی بەنداوی تشرین وەستاونەتەوە، لە دوێنێوە تا بەرەبەیانی ئەمڕۆ هەینی، 72 چەکدار کوژراون و 16یان بەدیل گیراون و دەیانیان لێ برینداربوون.

هاوکات،  ژمارەیەکی زۆر چەک و تەقەمەنی دەستی بەسەردا گیرا و جگە لەوەی کە چەندین چەک و کەرەستەی گرووپەکان تێکشکێنرا.

دەشڵێت، “لە بەرخۆدانی هێزەکانمان لە بەرامبەر هێرشەکانی 11 لە شەڕڤانانمان شەهیدبوون، دوای ئەوەی داستانی قارەمانێتی و قوربانیدانیان نووسی و هەموو هێرشەکانی دوژمنیان پووچەڵکردەوە.”