بەهۆی وەرگەڕانی ئۆتۆمبێلێکی جۆری (نیسان پاتڕۆڵ ) کەسێک گیانیلەدەستدا.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، بەرەبەیانی ئەمڕۆ ئۆتۆمبێلێکی جۆری نیسان پاتڕۆڵ لە نزیک بان راسای کۆنترۆڵی لەدەستدا و وەرگەڕا، بەهۆیەوە سەرنشینێکی ئۆتۆمبێلەکە گیانیلەدەستدا.
دەشڵێت، بریندارەکە بۆ وەرگرتنی چارەسەری پێویست رەوانەی نەخۆشخانەی فریاکەوتنی شەهید هەژار کرا، بەڵام بە هۆی سەختیی برینەکەیەوە گیانیلەدەستدا، لێکۆڵینەوە لە رووداوەکە لەلایەن تیمی هاتوچۆوە دەستیپێکردووە.
