محەمەد شیاع سودانی داوا لە محەمەد بن زاید سەرۆکی ئیمارات دەکات، هەوڵەکانی بەکاربهێنێت بۆ سەقامگیربوونی رۆژهەڵاتی ناوەڕاست بەگشتی و سوریا و فەلەستین و لوبنان بە تایبەتی.
محەمەد شیاع سودانی سەرۆکوەزیرانی عێراق، لە پەیوەندییەکی تەلەفۆنیدا لەگەڵ محەمەد بن زاید سەرۆکی ئیمارات، تاوتوێی کۆمەڵێک پرسیی تایبەت بە سیاسەت و ئابووری و پەیوەندی هەردوو وڵات کرد.
هاوکات، لەبەشێکی گفتووگۆکەدا سودانی داوا لە بن زاید دەکات، کە هەوڵەکانی بۆ دابینکردنی سەقامگیری رۆژهەڵاتی ناوەڕاست زیاتر بەکاربهێنێت و فشار لە وڵاتە عەرەبییەکان بکات هەڵوێستیی گرنگییان لەم قۆناغەدا هەبێت، بەتایبەت بۆ جەنگی ئیسرائیل و فەڵەستین و گرژییەکانی سوریا و لوبنان.
