بەهۆی هەبوونی کێشەی تەکنیکییەوە، کۆمپانیای تێسلا 700 هەزار ئۆتۆمبێلی لە بازاڕەکانی جیهاندا کشاندەوە، کە بەشێکیان مۆدێلی نوێ بوون.
ماڵپەڕە جیهانییەکان ئاماژەیان بەوداوە، دوای ئەوەی هەست بە بوونی کێشەی تەکنیکیی دەکرێت لە سیستەمی لایتی ئۆتۆمبێلەکانیدا، کۆمپانیای تێسلا 700 هەزار ئۆتۆمبێلی لە بازارەکانی جیهاندا کشاندەوە، کە نوێترینییان مۆدێڵی ساڵی 2025 بوو.
هاوکات، شارەزایانی بواری میکانیک ئاماژەیان بەوەداوە، کێشە تەکنیکییەکە ئاسایی نییە و ئەگەر چارەسەرنەکرێت ئەوا تایەی ئۆتۆمبێلەکان دەئاوسێنێت، کە ئەمەش دەبێتە هۆی دروستبوونی مەترسی بۆسەر شۆفێرەکەی و ڕوداوی هاتووچۆی لێ دەکەوێتەوە.
بەپێی ئامارەکان، تەنها لە ساڵی 2024 نزیکەی یەک ملیۆن ئۆتۆمبێل لەبازاڕەکانی جیهاندا گەڕێندراونەتەوە بەهۆی هەبوونی کێشەی میکانیکی و وایەرمەنی تیایاندا، کە ئەمەش رێژەیەکی دیارە و هاوڵاتییان و بەکارهێنەرانی ئۆتۆمبێلی خستووەتە ناو بازنەی دوودڵییەوە.
