سەرۆک وەزیرانى بەریتانیا گەیشتە ئیسرائیل چاوەڕێ دەکرێت لەدوای ئەوە هاوکارییە مرۆییەکان بگەیەندرێتە کەرتی غەززە.
تۆڕی هەواڵی بی بی سی بڵاویکردەوە، “ریشی سوناک سەرۆک وەزیرانى بەریتانیا بە سەردانێک گەیشتە ئیسرائیل و بڕیارە لەگەڵ بنیامین ناتانیاهۆ و بەرپرسانی باڵای دیکەی وڵاکەدا کۆببێتەوە”.
ئاشکراشیکرد، سەردانەکەی سوناک بە ئامانجی دەربڕینی هاوخەمییە بۆ قوربانیانی شەڕ و گەیاندنی هاوکاری مرۆییە بە هاوڵاتییانی کەرتی غەززە و هەوڵدانە بۆ ئازادکردنی بارمتەکانی لای بزووتنەوەی حەماس.
ئەمە لە کاتێکدایە، دوێنێ چوارشەممە جۆ بایدن سەرۆکی ئەمریکا گەیشتە ئیسرائیل لە دوای ئەویش شەوی رابردوو ئۆلاڤ شۆڵتز راوێژکاری ئەڵمانیا گەیشتە ئەو وڵاتە.
