تەقینەوەیەک لە شاری مۆسکۆی پایتەختی روسیا رویدا و بەهۆیەوە ئیگۆر کریلۆڤ بەرپرسی چەکی بایۆلۆژی و ئەتۆمی سوپای روسیا کوژرا.
میدیا جیهانییەکان بڵاویانکردەوە، کە بەرەبەیانی ئەمڕۆ، تەقینەوەیەک لە شاری مۆسکۆی پایتەختی روسیادا رویدا و بەهۆیەوە ئیگۆر کریلۆڤ بەرپرسی چەکی بایۆلۆژی و ئەتۆمی سوپای روسیا کوژرا.
ئاماژەیان بەوەشدا، تەقینەوەکە لەنزیک شوێنی نیشتەجێبونی ناوبراو رویداوە و کەسێکی دیکەش کە هاوکاری بووە لەگەڵیدا کوژراوە.
ئیگۆر کریلۆڤ، پلەی ژەنەڕاڵی لە زانستی سەربازیدا هەبووە، بەیەکێک لە بەرپرسە باڵاکانی سوپای روسیا و کەسی نزیک لە ڤلادیمیر پۆتین سەرۆکی روسیا دادەنرا، لە جەنگی روسیا و ئۆکرانیاشدا رۆڵێکی سەرەکی لە پلاندان و هێرشەکاندا بینیوە.
