وادەی خەرجكردنی مووچەی مانگی 10 راگەیەندرا و بڕیار لەبارەی مووچەی مانگەكانی 11 و 12ش دەرچوو
حکومەتی هەرێمی کوردستان راگەیەندراوێكی بڵاوكردەوە و تیایدا هاتووە، شاندێکی حکومەتی هەرێم سەردانی بەغدادیان کرد بۆ گفتوگۆکردن لەگەڵ وەزارەتی دارایی فیدراڵ بۆ چارەسەرکردنی کێشەی مووچە و شایستە داراییەکانی هەرێمی کوردستان، گفتوگۆکان ئەرێنی بوون و لەیەکتێگەیشتنی هاوبەش هاتووەتەدی بۆ دابینکردنی شایستەکانی مووچەخۆرانی هەرێم.
دەشڵێت، “بۆیە لە رۆژی سێشەممەوە 12/17 دەست بە دابەشکردنی مووچەی مانگی 10 دەکرێت و، لەگەڵ گەیشتنی تەواوکارییەکانی مووچە، مووچەی مانگەکانی دیكەش بە زووترین کات دابەشدەکرێت”.
حكومەتی هەرێم لە راگەیەندراوەكەیدا “سوپاسی خۆڕاگری مووچەخۆرانی هەرێمی کوردستان” دەكات و دڵنیاییش دەدات کە بەهیچ شێوەیەک دەستبەرداری مافەکانیان نابێت.
