لە شاری سلێمانی بەهۆی دابەشنەکردنی مووچەکانیانەوە، كارمەندانی نەخۆشخانەی ژنان و منداڵبوون گردبوونەوەی ناڕەزایەتییان ئەنجامدا
ئەمڕۆ یەکشەممە، کارمەندانی نەخۆشخانەی ژنان و منداڵبوون لەشاری سلێمانی گردبوونەوەی ناڕەزایەتییان ئەنجامدا و لە لێدوانێکییاندا بۆ تۆڕی میدیایی ئێستا رایانگەیاند، ماوەی سێ مانگە مووچەیان وەرنەگرتووە و ئاستەنگییان بۆ دروستبووە.
وتیشیان، لەهیچ شوێنێکی دنیا نەبووە حکومەت موچە دابەشنەکات بێجگە لە حکومەتی هەرێم، بۆیە داواکارین موچەکانمان لەکاتی خۆیدا دابەشبکرێت.
ئاماژەیان بەوەشدا، ماوەی دوو رۆژە بایکۆتیان لەچەند بەشێکی نەخۆشخانەکە راگەیاندوە، هەروەها تاوەکو موچەی مانگەکانی 10 و11و12 وەرنەگرن، بەردەوامدەبن.
