بەڕێوەبەرایەتیی دارستان و پاوانی سلێمانی رایدەگەیەنێت، لە سنووری قەزای ماوەت دەستگیرا بەسەر ژمارەیەك داری سروشتی بڕاوەدا كە سەرپێچیكاران نادیاربوون.
بەپێی راگەیەندراوێكی بەڕێوەبەرایەتیی دارستان و پاوانی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، لە ئەنجامی گەڕان و پشكنینی سنوورەكەیان مەفرەزەیەكی بەشی پۆلیسی دارستانی ماوەت لە سنووری گوندەكانی ( باناڵێ و بەرزەڕوو) دەستیانگرت بەسەر ژمارەیەك داری سروشتی بڕاوە، بەڵام سەرپێچیكاران نادیاربوون.
لە راگەیەندراوەكەدا هاتووە، لە دەرچوونێكی مەیدانیشدا بۆ سنووری گوندی ( مالومە) لە لایەن مەفرەزەیەكی بنكەی پۆلیسی دارستانی گاپێڵۆنەوە سێ كورەی خەڵووز تێكدران.
