ئیمانوێل ماکرۆن سەرۆکی فەرەنسا لە پەیوەندییەکی تەلەفۆنیدا لەگەڵ محەمەد شیاع سودانی پابەندی وڵاتەکەی بە ئاسایش و سەروەری عێراق دووپاتکردەوە.
ئەمڕۆ شەممە ئیمانوێل ماکرۆن سەرۆکی فەرەنسا پەیوەندییەکی تەلەفۆنی لەگەڵ محەمەد شیاع سودانی سەرۆک وەزیرانی عێراق ئەنجامدا و گفتوگۆ لەبارەی دۆخی سوریا و دوایین گۆڕانکارییەکانی کە لە ناوچەکە روودەدەن کرا.
لە پەیوەندییە تەلەفۆنییەکەدا سودانی رایگەیاند، پێویستە هەوڵی هاوبەش بۆ گەیاندنی هاوکاریی بۆ سورییەکان و دووبارە بونیادنانەوەی وڵاتەکەیان بخرێنەگەڕ، بەبێ ئەوەی دەستوەردان لە کاروباری ناوخۆییان بکرێت.
لای خۆیەوە ئیمانوێل ماکرۆن، پابەندی وڵاتەکەی بە ئاسایش و سەروەری عێراق دووپاتکردەوە و جەختیکردەوە، عێراق لە ناوچەکە رۆڵێكی میحوەری هەیە.
