سەرۆكی شارەوانیی سلێمانی رایدەگەیەنێت، پڕۆسەی دابەشكردنی زەوی بەسەر فەرمانبەراندا بەردەوامە و ئەوانەی ناوەكانیان گەڕاوەتەوە تیروپشكیان بۆ ئەنجامدراوە و زەوییان پێدراوە.
لەیلا عومەر، سەرۆكی شارەوانیی سلێمانی لە لێدوانێكیدا رایگەیاند، پڕۆسەی دابەشكردنی زەوی بەسەر فەرمانبەراندا بەردەوامە ئەوانەی ناوەكانیان گەڕاوەتەوە تیروپشكیان بۆ كراوە و بۆ ئەوانەی دیکەش پێویستە لە فەرمانگەكانەوە نووسراوی سوودمەندبوونیان بۆ بكرێت تاوەكو تیروپشك بۆ ناوەكانیان بكرێت و زەوییان پێدەدرێت
وتیشی، ” تاوەكو ئێستا 1757 پارچە زەوی بەسەر فەرمانبەراندا دابەشكراوە و زەوییەكان دەكەوێتەوە ناوچەكانی سۆتکە، كەڵاوانان و تاسڵوجەوە”.
