بەهۆی دابەشنەکردنی مووچەکانیان، بەشێک لە فەرمانگەکانی سلێمانی بایکۆتی کاریان راگەیاند.
ئەمڕۆ یەکشەممە 24ی ئازاری 2024، فەرمانبەرانی بەڕێوەبەرایەتییەکانی هاتوچۆی سلێمانی، تاقیگەی بیناسازیی سلێمانی، خانوبەرەی میریی سلێمانی، ژمارەیەك كۆلێج و فەرمانگەی زانكۆی سلێمانی و چەند فەرمانگەیەكی دیكە لە شارەكە بەهۆی دابەشنەکردنی مووچەوە، بایکۆتی دەوامیان کردووە.
ئەوە لە کاتێکدایە لە کۆتایی مانگی ئازارداین، بەڵام هێشتا مووچەی مانگی شوباتی فەرمانبەرانی حکومەتی هەرێم دابەشنەکراوە و مووچەی سێ مانگی کۆتایی ساڵی رابردووش دابەشنەکراوە و چارەنووسیان نادیارە.
