مامۆستایانی کورد لە بەشێک لە شارەکانی ڕۆژهەڵاتی کوردستان دژی خراپیی بژێویی ژیانیان ناڕەزایەتییان دەربڕی و لەبەردەم نوێنەرایەتیی وەزارەتی پەروەردە لە شارەکانیان گردبوونەوە.
مامۆستایانی کورد لە شارەکانی کرماشان، مەریوان، ئیلام، سنە و سەقز لەبەردەم نوێنەرایەتیی وەزارەتی پەروەردە لە شارەکانیان گردبوونەوەیان ئەنجامدا بەمەبەستی دەربڕینی ناڕەزایی دژی خراپیی بژێوییان و کەمتەرخەمیی لایەنی پەیوەندیدار.
ناڕەزایەتییەکان دوێنێ بەڕێوەچوون و مامۆستایانی بەشێک لە شارەکانی دیکەشیان گرتووەتەوە دوای ئەوەی داوای ناڕەزایی سەرتاسەرییان لە مامۆستایان کرد.
لە ساڵانی ڕابردوودا مامۆستایانی کورد لە شارەکانی ئێران و ڕۆژهەڵاتی کوردستان ناڕەزایەتییان دەربڕیوە لە خراپیی گوزەرانیان، بەڵام تائێستا هیچ وەڵامێک نەدراونەتەوە.
