وەزارەتی دارایی و ئابوریی هەرێمی کوردستان رایگەیاند، تیمی تەکنیکی وەزارەتی دارایی کێشەی گواستنەوەی پارەی چارەسەر کرد و بڕی پارەی تەرخانکراو بۆ مووچە زیادکرا.
وەزارەتی دارایی هەرێم ئاماژەی بەوەشکرد، رۆژی دووشەممە فەرمانی گواستنەوەی پارە لە تەرخانکراوەکانی هەرێم بۆ پارەی مووچە دەرچووە لەلایەن بەڕێوبەرایەتیی گشتیی بودجەی وەزارەتی دارایی عێراقەوە.
وەزارەتەکە باسی لەوەشکرد، تیمەکەمان بەبەردەوامی لەسەر هێڵە بەمەبەستی بەدواداچوون بۆ جێبەجێکردنی بڕیارەکە و گەیشتنی پارەکە بەمەبەستی چارەسەرکردن و پڕکردنەوەی ئەو کورتهێنانەی بۆ مووچەی هەرێم لەلایەن وەزارەتی دارایی عێراقەوە دروست کراوە.
