هێزە ئەمنییەكانی عێراق پیاوێكیان دەستگیركرد، كە بەشێوەیەكی شۆكئامێز و سەركێشانە منداڵەكەی بەكارهێناوە لە تاقیكردنەوەی تواناكانی خۆی لە نیشانشكێنیدا.
بەپێی ئەو ڤیدیۆیەی میدیا عێراقییەكان بڵاویانكردووەتەوە، پیاوەكە جگەرەیەكی كردووە بە دەمی منداڵێكەوە و ڕایگرتووە، تا توانای خۆی لە پێكانی جگەرەكە بە چەكی كڵاشینكۆڤ تاقیبكاتەوە.
بەوەی لە ڤیدیۆكەدا دەردەكەوێت، ئەگەری پێكانی منداڵەكە لەلایەن پیاوەكەوە زۆرە و ئەوەی كراوە كارێكی مەترسیدارە.
شانەی ڕاگەیاندنی ئەمنی هەڵسوكەوتی پیاوەكەی بە پێشێلكردنی مافی منداڵ و هەڕەشەخستنە سەر ژیانی وەسفكردووە.
پیاوەكە دەستگیركراوە و بەپێی ماددەی 570 لە یاسای سزادانی عێراقی ڕادەستی دادگا دەكرێت.
