لیژنە هاوبەشەکانی قائیمقامیەتی سلێمانی لەناو عەلوەدا دەستیان بەسەر تۆنێک و 250 کیلۆ میوەی خراپدا گرت.
قائیمقامیەتی سلێمانی بڵاویکردەوە، “بەهۆی دروستبوونی کەڕوو و نەشیاوییان بۆ خواردن، لیژنەی عەلوەی سەر بە لیژنە هاوبەشەکانی قائیمقامیەتی سلێمانی، لە کەرتی 76ی ناو عەلوەی سلێمانی دەستیگرت بەسەر بڕی زیاتر لە تۆنێک و 250 کیلۆگرام میوەی خراپبوودا کە بریتیبوون لە ئەنەناس، سێو، لیمۆ، هەنگی دنیا، کە کەڕوویان کردووە و بە هیچ جۆرێک شیاوی خواردن نەبوون و دانرابوون بۆ فرۆشتن”.
ئاماژەی بەوەشکرد، “بە بڕیاری قائیمقامی سلێمانی تەواوی ئەو میوە خراپبووانە دەستیان بەسەردا گیرا و لەناوبران”.
دوێنێ شەممە لەلایەن لیژنەی عەلوەوە دەستگیرا بەسەر بڕی 850 کیلۆگرام گێلاس و هەرمێدا و بەهۆی خراپبونیانەوە لەناوبران.
