شەڕە تەقە لەنێوان دوو بنەماڵەدا لە قەڵادزێ ڕویدا و پۆلیسی ڕاپەرین دەڵێت، شەش كەس دەستگیركراون.
بەڕێوبەرایەتیی پۆلیسی ڕاپەڕین ئەمڕۆ دووشەممە 18ی كانونی دووەم بڵاویكردەوە، “پێش نیوەڕۆی ئەمڕۆ هێزەکانیان ئاگادارکران لە ڕودانی شەڕێک له گەڕەکی ڕاپەڕین-ی قەزای قەڵادزێ لە نێوان دوو بنەماڵە کە تەقەی تیاداکراوە، دوای ڕوداوەکە هێزەکانیان لە پۆلیسی فریاکەوتنی پشدەر و بنکەی پۆلیسی ڕاپەڕین گەیشتنە شوێنی مەبەست.
دەشڵێت، “لەسەر ڕوداوەکە بە فەرمانی دادوەر شەش کەس دەستگیرکراون و دەستیش گیراوە بەسەر دوو چەکی جۆری کڵاشینکۆفدا.
ڕوداوەکە زیانی گیانی لێنەکەوتووەتەوە و لە ئێستاشدا بارودۆخەکە کۆنتڕۆڵ کراوە، وەك ئەوەی پۆلیسی ڕاپەرین بڵاویكردووەتەوە.
