ماوەی دوو ڕۆژە نزیكەی 80 كۆچبەری كورد لە ئاوەكانی یۆناندا پەكیانكەوتووە و جێهڵدراون، بەڵام تائێستا هیچ لایەك بەدەنگیانەوە نەچووە.
لە دوێنێوە نزیكەی 80 كۆچبەری كورد لەنێو بەلەمێكی پەككەوتوودا لە ئاوەكانی یۆنان ماونەتەوە، كۆچبەرەكان ژن و منداڵیان لەگەڵدایە.
بەپێی زانیارییەكان پاش پەككەوتنی بەلەمەكەیان، قاچاخچییەكەیان ئەوانی بێچارەنووس جێهێشتووە.
سەرەڕای هەوڵ و پەیوەندی كۆچبەران بە تیمی ئێشكگری كەناراوەكانی یۆنان و تیمەكانی ڕێكخراوی نەتەوە یەكگرتووەكان، تا ئەمڕۆ هیچ هەوڵێك بۆ ڕزگاركردنیان نەدراوە.
بەپێی ئەو ڤیدیۆیانەی تۆماریان كردووە و لە تۆڕە كۆمەڵایەتییەكاندا بڵاوبووەتەوە، كۆچبەران بە گریان و دڵی پڕەوە داوای بەهاناوەچوون دەكەن.
