ئەندامێكی ئەنجومەنی نوێنەرانی عێراق رایدەگەیەنێت، حكومەتی عێراق بڕیاری لەسەر ناردنی سێ 761 ملیار دینار بۆ مووچەی مووچەخۆرانی هەرێم داوە و دەشڵێت، “هیچ مووچەیەك نافەوتێت و دەبێت هەرێم نیوەی داهاتی ناوخۆ رادەستی بەغداد بكات”.
سروە محەمەد، ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، بڕیار لەسەر ناردنی سێ 761 ملیار دینار بۆ مووچەی ئەم سێ مانگەی كۆتایی ساڵ دراوە و مووچەی مووچەخۆران نافەوتێت بڕیارە سبەی پارەی تەرخانكراو بۆ مووچەی مانگی 10 بخرێتە سەر هەژماری وەزارەتی دارایی هەرێم و لیستی مووچەی مانگی11 نێردراوە و دەبێت بەر لە داخستنی ژمێرەی كۆتایی ساڵ لیستی مووچەی مانگی 12 بۆ بەغداد بنێردرێت.
ئەو پەرلەمانتارە جەختیكردەوە و وتیشی، ” بڕیار لەسەر ناردنی سێ 761 ملیار دینار بۆ مووچەی مووچەخۆرانی هەرێم دراوە “هیچ مووچەیەك نافەوتێت، بەڵام دەبێت هەرێمی كوردستان نیوەی داهاتی ناوخۆ رادەستی بەغداد بكات”.
