بڕیارە ئەمڕۆ هەینی قوباد تاڵەبانی جێگری سەرۆک وەزیرانی هەرێمی کوردستان، بە سەردانێکی فەرمی بگاتە وڵاتی ئەرمینیا و ماوەی سێ ڕۆژ لەو وڵاتە دەمێنێتەوە.
میدیای فەرمیی یەکێتی بڵاویکردەوە، “سەردانەکەی جێگری سەرۆکی حکومەت لە ئەمڕۆ 14ی ئایارەوە دەستپێدەکات و ماوەی سێ ڕۆژ دەخایەنێت، لەگەڵ گەورە بەرپرسانی ئەرمینیا کۆدەبێتەوە”.
لەسەردانەکەی جێگری سەرۆکی حکومەتدا هەریەکە لە دارا ڕەشید، وەزیری پلاندانان و ئومێد سەباح، سەرۆکی دیوانی ئەنجومەنی وەزیران یاوەریی قوباد تاڵەبانی دەکەن.
بەپێی میدیای فەرمیی یەکێتی، مەبەستی سەردانەکەی قوباد تاڵەبانی كەڵكوەرگرتنە لە ئەزموونی ئەو وڵاتە لە بوارەکانی ئای تی، خوێندنی پیشەیی و پەرەپێدانی توانای گەنجان، هەروەها سەردانی چەند سەنتەرێكی ئەكادیمی و پیشەیی دەكات”.
