بەڕێوەبەری ڕوانگەی سوری بۆ مافەكانی مرۆڤ رایدەگەیەنێت، لە ماوەی نزیكەی دود كاتژمێردا 14 شارۆچكە و شار لە لادێكانی باكووری حەما لەلایەن گروپە چەكدارەكانەوە بە سەرۆكایەتی بەرەی تەحریر شام كۆنترۆڵكران.
رامی عەبدولڕەحمان، بەڕێوەبەری ڕوانگەی سوری بۆ مافەكانی مرۆڤ رایگەیاند، “14 شارۆچكە و شار لە ناوچەكانی باكووری حەما لە ماوەی نزیكەی دوو كاتژمێردا لەلایەن گروپە چەكدارەكانی سوریاوە بە سەرۆكایەیتی گروپی تەحریر شام كۆنترۆڵكران”.
ئاماژەی بەوەشكرد، “تەواوی سوپای سوریا لەو پارێزگایە كشاونەتەوە و ئەوەش بە فەرمانی بەرپرسانی سەربازیی سوریابووە و تاوەكو ئێستا هیچ ئەندامێكی سوپای سوریا لە كاتی پێكدادانەكاندا نەكوژراون و هیچ پێكدادانێك رووی نەداوە.
