ئەمینداری گشتیی حزبوڵڵای لوبنان رایگەیاند، هەست بە سەرکەوتن دەکەن چونکە رێگرییانکردووە لەوەی ئیسرائیل بەرەکەیان بە یەکجاری لەناوبەرێت، وتیشی، “هەوڵی بەردەوام دەدەین تا پابەندبین بە ئاگربەستەوە بەهەماهەنگی لەگەڵ سوپای لوبنان”.
نەعیم قاسم، ئەمینداری گشتی حزبوڵڵای لوبنان ئاماژەی بەوەکرد، وەک حزبوڵڵا پابەند دەبن بە رەچاوکردنی ئەو ئاگربەستەی لەنێوان ئەوان و ئیسرائیلدا هەیە، جەختیشیکردەوە، ”ئامادەن هەماهەنگی زیاتر لەگەڵ سوپای لوبناندا ئەنجام بدەن و هەموویان بچنە ژێر چەتری دەوڵەتەکەوە، لەپێناو ئاشتی کۆمەڵگاکەدا”.
باسی لەوەشکرد، ئەوان بە رازیبوون بە ئاگربەست، رێگرییان کردووە لەوەی هێزەکانیان بەتەواوی لەلایەن ئیسرائیلەوە لەناوببرێت.
ئەمە لە کاتێکدایە، لە 26ی ئەم مانگەدا ئاگربەست لەنێوان حزبوڵڵای لوبنان و ئیسرائیل بۆ وەستاندنی جەنگ ئەنجامدرا.
