گەڕی پێنجەمی دانوستانەکانی نێوان ئەمریکا و ئێران لە رۆمای پایتەختی ئیتاڵیا دەستیپێکرد.
پێش دەستپێکردنی دانوستانەکان وەزارەتی دەرەوەی ئێران بڵاویکردەوە، لەسەر هەڵوێستی خۆمان سوورین سەبارەت بە سوودوەرگرتن لە وزەی ناوەکی بە،مەبەستی ئاشتیانە و لەهەمان کاتیشدا جەخت لە لابردنی سزاکانی سەر وڵاتەکەمان دەکەینەوە.
ئاشکراشیکرد، هەر دانوستانێک هەستیاری خۆی هەیە، دواتر دەزانین لە ژووری دانوستانەکان گفتوگۆ لەبارەی چییەوە دەکەین.
جەختیشکردەوە، لە دانوستانەکاندا لێدوانە دژ بەیەکەکانی ئەمریکا لەگەڵ سزاکانی سەر وڵاتەکەمان گفتوگۆیان لەبارەوەدەکەین.
پێشتر لە هەریەکە لە رۆما و عومان چوار گەڕی دیکەی دانیشتنی نێوان هەردوو وڵات بەڕێوەچووە، بەڵام تا ئێستا هیچ ئەنجامێکی لێنەکەوتووەتەوە.
