بەڕێوەبەرایەتی گشتیی كارەبای سلێمانی رایدەگەیەنێت، دوای ئەوەی بەهۆی كێشەی بارزۆرییەوە لەسەر فیدەری دووی دەربەندیخان نزیكەی 50%ی دانیشتووانی دەربەندیخان بێ كارەبا ببوون و دوای هەوڵ و ماندووبوونێكی زۆری تیمەكان كێشەكە چارەسەركرا.
بەپێی راگەیەندراوێكی بەڕێوەبەرایەتی گشتیی كارەبای سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای ئەوەی بەهۆی كێشەی بارزۆرییەوە لەسەر فیدەری دووی دەربەندیخان نزیكەی 50%ی دانیشتووانی دەربەندیخان بێ كارەبا ببوون.
هەر لە راگەیەندراوەكەدا هاتووە، دوای هەوڵ و ماندووبوونێكی زۆری تیمەكانی هۆبەی چاكسازيی بەڕێوەبەرایەتیی كارۆئاویی دەربەندیخان و بەڕێوەبەرایەتی دابەشكردنی كارەبای دەربەندیخان توانرا كێشەكە چارەسەربكرێت و ئەویش بە گۆڕینی فیدەری 33 كەی ڤی دەربەندیخان لە محاویلەی ژمارە دووەوە بۆ محاویلەی ژمارە سێ.
