وەزیری گواستنەوە و گەیاندنی عێراق رایگەیاند، هەفتەی داهاتوو گەشتە ئاسمانییەکانی عێراق بۆ بەیروتی پایتەختی لوبنان دەستپێدەکەنەوە.
رەزاق محێبس، وەزیری گواستنەوە و گەیاندنی عێراق، رایگەیاند، “هێڵی ئاسمانیی عێراقی لە سەرەتای هەفتەی داهاتوو دوای رێککەوتنی ئاگربەست گەشتەکانی لەگەڵ بەیروتی پایتەختی لوبنان دەستپێدەکاتەوە”.
وەزارەتی گواستنەوە و گەیاندنی عێراق پێشتر راگرتنی گەشتە ئاسمانییەکانی بۆ بەیروت و گەڕانەوەی راگەیاندبوو، ئەوەش بەهۆی تێکچوونی دۆخی ئەمنیی لوبنانەوە.
