سەرۆك كۆماری توركیا رایدەگەیەنێت، بەپێی دوایین ئامارەكان تائێستا زیاتر لە 16 هەزار كەس گیانیان لەدەستداوە و زیاتر لە 67 هەزار كەسیش برینداربوون.
رەجەب تەیب ئەردۆغان سەرۆك كۆماری توركیا رایگەیاند، بەپێی دوایین ئامارەكان 16 هەزار و 170 كەس بەهۆی بومەلەرزەكەوە گیانیان لەدەستداوە و 67 هەزارو 97 كەسیش برینداربوون.
راشیگەیاند، 10 هەزار لیرە دەدرێتە هەر ماڵێك كە بەهۆی بوومەلەرزەوە زیانیان بەركەوتووە و ئەمڕۆ پێنجشەممە، پەرلەمانی توركیا دەنگ لەسەر یاسایەك دەدات كە باری نائاسایی بە فەرمی لەو 10 پارێزگایە رابگەیەندرێت كە بومەلەرزە تێیاندا روویداوە.
