لە کۆبوونەوەی ئەنجومەنی نوێنەرانی عێراق بە زۆرینەی دەنگ هەڵۆ مستەفا عەسکەری وەک وەزیری ژینگە هەڵبژێردرا.
د بڕیار رەشید ئەندامی ئەنجومەنی نوێنەرانی عێراق بە تۆڕی میدیایی ئێستای راگەیاند، لە دەستپێکی کۆبوونەوەی ئەمڕۆی ئەنجومەنی نوێنەران بە زۆرینەی دەنگ هەڵۆ مستەفا عەسکەری لە شوێنی نزار ئامێدی وەک وەزیری ژینگە هەڵبژێدرا.
لە دوای هەڵبژاردنی وەک سەرۆکی ئەنجومەنی نوێنەران ئەمە یەکەم کۆبوونەوەیە بە ئامادەبوونی مەحمود مەشهەدانی بەڕێوەبچێت.
بڕیارە هەر لە کۆبوونەوەکەی ئەمڕۆدا هەمواری یەکەمی یاسای بودجەی ساڵانی 2023، 2024، 2025ە، کە هەمواری بڕگەی خەرجی و داهات و بڕی تێچووی بەرمیلێك نەوتی بەرهەمهێندراوی هەرێمی كوردستان گفتوگۆی لەبارەوە بکرێت.
