وەزارەتی خوێندنی باڵا و توێژینەوەی زانستیی هەرێم وەرگرتنی (698) خوێندکارى دیکەی لە زانکۆکان راگەیاند.
وەزارەتى خوێندنى باڵا و توێژینەوەی زانستیی هەرێم لە راگەیەندراوێکدا بڵاویکردەوە، لە ئەنجامى پڕکردنەوەى کورسیى بەتاڵ (698) خوێندکارى دیکە لە زانکۆکان وەرگیران.
باس لەوەش دەکات، دواى ئەوەى وەزارەتى خوێندنى باڵا له پێناو رەخساندنى دەرفەتی زیاتر بۆ دەرچووانى قۆناغى 12ی ئامادەیى ئەوانەى ناویان لەهیچ شوێنێک نەهاتبووەوە، دەرگاى پێشکەشکردنى کردەوە، لەئەنجامدا (698) قوتابى/ خوێندکارى دیکە بە شێوازى (زانکۆلاین، پارالێل، ئێواران) ناویان لە زانکۆ و پەیمانگەکان بەپێى کۆنمرەکانیان بۆ ساڵى خوێندنى (2024-2025) گەڕایەوە.
