پۆلیسی ڕاپەڕین تۆمەتبارێکی دەستگیرکرد کە وێنەی نەشیاوی کچێکی بڵاوکردووەتەوە و لەبەرامبەر پارەدا سڕیوییەتیەوە، دوای دەستگیرکردنیشی دانیناوە بە تاوانەکەیدا.
لە ڕاگەیەندراوێکدا بەڕێوەبەرایەتیی گشتیی پۆلیسی ڕاپەڕین بڵاویکردەوە، کچێک بەناوی (ن. ح)، لە نوسینگەی نەهێشتنی تاوانی پشدەر سکاڵای لەسەر کەسێک تۆمارکردووە و بەپێی وتەی سکاڵاکەرەکە، “تۆمەتبارەکە وێنەی نەشیاوی لە تۆڕە کۆمەڵایەتییەکان بڵاوکردووەتەوە و لەبەرامبەر وەرگرتنی بڕێک پارەدا وێنەکانی سڕیوەتەوە”.
پۆلیسی ڕاپەڕین ڕایگەیاندووە، تۆمەتبارەکە کە ناوی (هـ . ع)ـە دەستگیرکراوە و دانیناوە بە تاوانەکەیدا.
لەدوای دەستگیرکردنی تۆمەتبارەکە، دەستگیراوە بەسەر بڕێک پارەدا کە لە کچەکەی وەرگرتبوو، ئێستا تۆمەتبارەکە بە پێی یاسای خراپ بەکارهێنانی ئامێرەکانی پەیوەندیکردن ڕاگیراوە.
