لە ئوسترالیا و چەند ناوچەیەكی دیكەی جیهان، ساڵانە لە مانگی نۆڤەمبەردا هەڵمەتێك بۆ هێشتنەوەی سمێڵ بەڕێوەدەچێت و ئامانج لێی پاڵپشتیكردنە بۆ ئەو پیاوانەی تووشی نەخۆشیی پرۆستات دەبن.
هەڵمەتەكە لە زیاتر لە 21 وڵاتی جیهان ئەنجامدەدرێت و ژمارەیەكی زۆر لە پیاوان بەشداری تێدادەكەن و ئامانجی سەرەكیشیان لە ئەنجامدانی هەڵمەتەكەدا پاڵپشتیكردنی زیاتری پیاوانە، بەتایبەت ئەو پیاوانەی تووشی نەخۆشیی پرۆستات و نەخۆشییەكانی دیكە بوون.
زیاتر لە 20 ساڵە هێشتنەوەی سمێڵ لە ئوسترالیا و چەند وڵاتێكی دیكە بووەتە نەریت، بە تایبەت كاتێك دوو كەس بەناوەكانی ئادەم و تراڤیس هەڵمەتەكەیان راگەیاند و بانگەشەیان بۆ فراوانبوونی كرد و بەتێپەربوونی كاتیش ژمارەی بەشداربووانی زۆرتردەبوو، هەربۆیە لەئێستادا بووەتە بابەتێكی هۆشیاریی جیهانی و بەچاوی گرنگییەوە لێی دەڕوانرێت.
