دەستەی کەشناسیی عێراق پێشبینی دەکات، هەفتەی داهاتوو هەفتەیەکی سارد بێت، بەهۆی ئەوەی ناوچەکە دەکەوێتە ژێر کاریگەریی شەپۆلێکی سەرمای جەمسەری و بەفر لەناوچە شاخاوییەکانی هەرێمی کوردستان ببارێت.
دەستەی کەشناسیی عێراق لە راگەیەندراوێکیدا ئاماژەی بەوەکرد، شەوی یەکشەممە و بەیانی رۆژی دووشەممە پێشبینی بارینی بەفر دەکرێت لەناوچە شاخاوییەکان بەجۆرێک بەفرێکی کەم بۆ مامناوەند دەبارێت و بەردەوام دەبێت لە بەیانی رۆژی سێشەممەدا و هەر شوێنێک لە 1000 مەتر بەرزتربێت لە ئاستی رووی دەریاوە، دەیگرێتەوە.
دەستەکە ئاماژەی بەوەشکردووە، لە رۆژی شەممەوە بارانبارین ناوچە جیاوازەکانی عێراق دەگرێتەوە و لە ناوچەکانی هەرێمی کوردستان پێشبینی زۆرترین بڕی بارانبارین دەکرێت و لە رۆژی دووشەممەدا کۆتایی دێت.
