بەڕێوەبەری راگەیاندن لە سەرۆكایەتیی شارەوانیی سلێمانی رایدەگەیەنێت، دابەشكردنی زەوی بەسەر فەرمانبەراندا بەردەوامە و دەشڵێت، “وەزارەتەكانی كارەبا و كار و كاروباری كۆمەڵایەتیی ناوەكانیان گەڕاوەتەوە و لە داهاتوویەكی نزیكدا تیروپشك بۆ ناوەكانیان دەكرێت”.
زەردەشت رەفیق بەڕێوەبەری راگەیاندن لە سەرۆكایەتیی شارەوانیی سلێمانی لە لێدوانێكدا بە تۆڕی میدیایی ئێستای رایگەیاند، پڕۆسەی دابەشكردنی زەوی بەسەر فەرمانبەراندا بەردەوامە و ئەركی شارەوانییە دوای گەڕانەوەی ناوی فەرمانبەران زەوی بۆ فەرمانبەران دابینبكات كە زەوی ئامادەكراو هەیە و دوای وردبینیكردن لە ناوەكانیان زەوی بە فەرمانبەران دەدرێت.
وتیشی، “وەزارەتەكانی كارەبا و كار و كاروباری كۆمەڵایەتیی ناوەكانیان گەڕاوەتەوە و لە داهاتوویەكی نزیكدا تیروپشك بۆ ناوی فەرمانبەران دەكرێت و زەوییان پێدەدرێت”.
