ئەندامێکی لیژنەی راگەیاندنی باڵای سەرژمێری رایدەگەیەنێت، 48 کاتژمێر دوای کۆتاییهاتنی پرۆسەکە ئەنجامی بەرایی سەرژمێریی گشتیی دانیشتووانی عێراق رادەگەیەندرێت.
حەیدەر مەجید ئەندامی لیژنەی راگەیاندنی باڵای سەرژمێری رایگەیاند، ئەمڕۆ هاوشێوەی دوێنێ پرۆسەی سەرژمێری لە سەرانسەری عێراق بەردەوامی دەبێت و تا کاتژمێر 12:00 ی شەو دەخایەنێت.
ئاماژەی بەوەشکرد، لەدوای پڕکردنەوەی زانیارییەکان لەلایەن بژمێرەکانەوە رەوانەی داتا سەنتەرەکان دەکرێنەوە و دوای کۆتاییهاتنی پرۆسەی سەرژمێری لە ماوەی 48 کاتژمێردا ئەنجامی بەرایی سەرژمێری رادەگەیەنین.
