بەڕێوەبەرایەتیی پۆلیسی گەرمیان داوا لە هاوڵاتییان دەكات لە ماڵەكانی خۆیاندا بمێننەوە و تاوەكو تیمەكانی سەرژمێریی دانیشتووان كارەكانیان بەباشیی راپەڕێنن.
بەڕێوەبەرایەتیی پۆلیسی گەرمیان راگەیەندراوێكی بڵاوكردووەتەوە و تێیدا ئاماژەی بۆ ئەوەكردووە، بەمەبەستی پڕۆسەی سەرژمێریی دانیشتووان بۆ ماوەی دوو رۆژ قەدەغەی هاتوچۆ راگەیەندراوە و تاوەكو هاوڵاتییان لە ماڵەكانی خۆیاندا بمێننەوە و تیمەكانی سەرژمێریی دانیشتووان كارەكانیان بەباشی راپەڕێنن.
هاوكات، بەڕێوەبەری پۆلیسی گەرمیان داوا لە هاوڵاتییانی سنوورەكە دەكات پابەندبن بە بڕیاری قەدەغەی هاتوچۆوە و لە ماڵەكانیان بمێننەوە تا تیمەكانی پڕۆسەی سەرژمێریی دانیشتووان بەباشی كارەكانیان جێبەجێبكەن.
