نرخی زێڕ لەماوەی مانگێکدا دابەزینی بەرچاوی بەخۆیەوە بینیووە و هەر مسقاڵێکی عەیاری 21 لە 603 هەزار دینارەوە بۆ 550 هەزار دینار دابەزیووە.
زێڕ، وەک کانزایەکی گرنگ و بەنرخ تەماشادەکرێت لە جیهاندا، یەکێکە لەو کاڵایانەی بۆ وەربەهێنەران و بازرگانان گرنگی هەیە و مامەڵەی پێوە دەکەن، ئەوەی تایبەتیشە بە خەڵکی ئاسایی، وەک بەشێک لە جوانکاری تەماشادەکرێت و کڕینی زێڕ یەکێکە لەو هەنگاوانەی بۆ هاوسەرگیری دەگیرێتەبەر لەناو زۆر نەتەوەدا.
لەماوەی مانگی تشرینی یەکەمی رابردوو، نرخی زێڕ بەرزبوونەوەی بەرچاوی بەخۆیەوە بینی، ئەوەش دوای ئەوەی هەر ئۆنسەیەکی نزیکبووەوە لە 2800 دۆلاری ئەمریکی، بەڵام لەدوای رۆژی 8ی تشرینی دووەمەوە وردە وردە رووی لە دابەزین کرد و کۆتا نرخی ئەم هەفتەیەی 2562 دۆلار بووە.
یەکێکی دیکە لە هۆکارەکانی دابەزینی نرخی زێڕ، لە بازاڕەکانی هەرێمی کوردستان دابەزینەوە بەهای دۆلاری ئەمریکی بوو، کە لە ماوەی رابردوودا بەرزبوونەوەی بەخۆیەوە بینی تاوەکو 100 دۆلار بەرامبەر بە 156 هەزار دینار و وردە وردە هاتەوە خوارەوە تاوەکو ئەمڕۆ بە 150 هەزار و 300 دینار مامەڵەی پێوەدەکرێت.
ئەمڕۆ مسقاڵێک زێڕی عەیاری 21 به 550 هەزار دینارە
مسقاڵێک زێڕی عەیاری 18 به 470 هەزار دینارە
مسقاڵێک زێڕی عەیاری 24 به 628 هەزار دینارە
