باڵیۆزی عومان لە عێراق، رایگەیاند بەمەبەستی بەشداریکردنی هاندەرانی عێراق لە یاری قۆناغی کۆمەڵەکانی پاڵاوتنی کیشوەری ئاسیا بۆ جامی جیهانی 2026، ڤیزای ئەلترۆنی بێ بەرامبەر بە هاندەرانی هەڵبژاردەی عێراق دەدەن.
مەحمود بن موحەننا خەروسی، باڵیۆزی عومان لە عێراق رایگەیاند، ڤیزای ئەلکترۆنی بێ بەرامبەر بۆ عێراقییەکان دەستەبەردەکەن بەمەبەستی بەشداریکردن لە یاری هەڵبژاردەکەیان بەرامبەر بە هەڵبژاردەی عومان.
ئەمەش لە کاتێکدایە، رۆژی 19ی ئەم مانگە، عومان و عێراق لە یارییەکانی قۆناغی کۆمەڵەکانی پاڵاوتنی کیشوەری ئاسیا بۆ جامی جیهانی، رووبەڕووی یەک دەبنەوە لە کاتژمێر 7:00ی ئێوارەدا.
