شارەزایەکی بواری کەشناسی رایدەگەیەنێت، لە سەرەتای مانگی 12 بارانێکی زۆر دەبارێت و دەبێتەهۆی دروستبوونی لافاو لە چەند ناوچەیەک.
پشتیوان پێنجوێنی، شارەزای بواری کەشناسی رایگەیاند، مەودای 5ـی 12 بۆ 10ـی 12، شەپۆلێکی بارانبارینی بەهێز روودەکاتە ناوچەکانی هەرێمی کوردستان و لە بەشێکی ناوچەکان لافاو روودەدات و شێیەکی زۆر دێتە ئاسمانی هەرێمی کوردستان.
ئاماژەی بەوەشدا، بارستەهەوایەکی ساردی لاوازیش روودەکاتە ناوچەکەمان و لە ناوچە جیاجیاکان، ناوبەناو بارانی بەلێزمە دەبارێت.
