بەڕێوەبەرایەتیی پۆلیسی هەولێر ئاشکرایکرد کەسێکیان بەتاوانی کوشتن لەکاتی تاوانەکەدا دەستگیرکردووە، هۆکاری ئەنجامدانی کوشتنەکەش کێشەی نێوانیان بووە لەسەر پوش و پاوان.
لەلێدوانێکدا بۆ تۆڕی میدیایی ئیستا هۆگر عەزیز وتەبێژی پۆلیسی هەولێر وتی، ” بەشی پۆلیسی شەقڵاوە، بنکەی پۆلیسی باسرمە، ئاگادارکراونەتەوە لە حاڵەتێکی کوشتن لە گوندی (شێخ مەمودیان) و گەیشتوونەتە شوێنی ڕووداوەکە”.
بەپێی وتەبێژی پۆلیسی هەولێر، بکوژەکە ناوی (م. ا. ح)ە و کەسێکی بەناوی کەنعان ڕەقیب عەزیز کوشتووە.
کێشەی نێوان بکوژ و کوژراوەکە لەسەر پوش و پاوان و کێسەی زەوی بووە و لەکاتی ڕووداوەکەدا پۆلیس گەیشتوونەتە شوێنەکە و بکوژەکەیان دەستگیرکردووە.
