بۆ ساڵیادی بونیادنانی سلێمانی مەكتەبی سیاسیی یەكێتی پەیامێكی بڵاوكردەوە و دەڵێت، “بە شانازییەوە ئەمڕۆ یادی 240 ساڵەی بونیادنانی شاری سلێمانی دەكەینەوە كە لە مێژووی كورد و كوردستان و لە هەناوی كۆمەڵی كوردەواریدا، شوێنێكی گەورە و پێشەنگ و جاویدانی هەیە، شاری سلێمانی پایتەختی دێرینی بابان، پایتەختی یەكەمین حكومەتی میللی و پایتەختی شۆڕشگێڕی و رۆشنبیری و فەرهەنگی وڵاتەكەمانە”.
هەر لە پەیامەكەدا هاتووە، وێرای پیرۆزباییمان لە سەرجەم خەڵكی شار، بە ئەركی لێنەبڕاوی خۆمانی دەزانین لەبەرامبەر ئەو متمانە بەردەوامەی كە سلێمانی بە حزبەكەی خۆیان، یەكێتیی نیشتمانیی كوردستان هەیانە و بە تایبەتی لە خولی ئەمجارەی هەڵبژاردنی پەرلەمانی كوردستاندا دووپاتیان كردەوە، هەرچی لە تواناماندا بێت بۆ خزمەتكردنی زیاتر و زیاتری جوانتركردنی سلێمانی پێشكەشی بكەین و هەمیشە سەوز و ئاوەدان بێت سلێمانی، هەمیشە گەشاوە بێت سلێمانی شارە حەیاتەكە”.
