ئەندامێكی ئەنجومەنی نوێنەرانی عێراق رایدەگەیەنێت، وردبینی لە لیستی مووچەی مانگی 10 تەواوبووە و چاوەڕوانی وەزیری دارایی عێراق دەكرێت كە واژووی لەسەر بكات.
غەریب ئەحمەد ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، بەپێی زانیارییەكان وردبینی لە لیستی مووچەی مانگی 10ی مووچەخۆرانی هەرێمی كوردستان تەواوبووە و چاوەڕوانی تەیف سامی وەزیری دارایی عێراق كە واژووی لەسەر بكات.
وتیشی، “دوای واژووی وەزیری دارایی عێراق چاوەڕواندەكرێت بەغداد پارەی تەرخانكراو بۆ مووچەی مووچەخۆرانی هەرێم بنێرێت”.
