جێگری سەرۆكی لیژنەی دارایی لە ئەنجومەنی نوێنەرانی عێراق رایدەگەیەنێت، هەفتەی داهاتوو بەغداد مووچەی مانگی 10 خەرجدەكات و هۆكاری دواكەوتنی ناردنی مووچەكە ئاشكرادەكات.
ئیخڵاس دلێمی، جێگری سەرۆكی لیژنەی دارایی لە ئەنجومەنی نوێنەرانی عێراق لە لێدوانێكدا رایگەیاند، ناردنی مووچە پێویستی بە گواستنەوە (مناقلە) كە ئەوەش بە واژووی وەزیری دارایی عێراق هەیە لە پشكی هەرێم بگوازرێتەوە و كێشەی مووچە چارەسەردەكات و جگەلەوەش مانگانە وردبینی لە لیستی مووچەی مووچەخۆرانی هەرێم دەكرێت.
جێگری سەرۆكی لیژنەی دارایی جەختیكردەوە و وتیشی، ” چاوەڕواندەكرێت هەفتەی داهاتوو بەغداد مووچەی مووچەخۆرانی هەرێم بۆ مانگی 10 خەرجبكات”.
