بەڕێوەبەرایەتیی بەرگریی شارستانیی هەولێر رایگەیاند، لە بەحرکە کرێکارێک کەوتووەتە ناو ئاوەڕۆیەکەوە و برینداربووە.
بەڕێوەبەرایەتیی بەرگریی شارستانیی هەولێر بڵاویکردەوە، بەیانی ئەمڕۆ لە کاتی پاكکردنەوەی زێراب و سەرە مەنهۆڵەکان لە ناحيەی بەحرکە کرێکارێك کەوتە ناو ئاوەڕۆکەوە.
ئاماژەی بەوەشکرد، کرێکارەکە ناوی محەمەد شوجاعە و دانيشتووی بەحرکەیە بەهۆی رووداوەکەوە برینداربوو لەلایەن تیمەکانەوە توانرا دەربهێنرێتەوە و بگەیەندرێتە نەخۆشخانە.
