پۆلسی دارستان و ژینگەی هەرێم هۆشداریی دەداتە ئەو کەسانەی دەیانەوێت بەفربارین بقۆزنەوە بۆ ڕاوکردن و دەڵێت، “هەر کەسێک ڕاوبکات بە بڕی یەک ملیۆن تا شەش ملیۆن دینار سزا دەدرێت”.
پۆلیسی داراستان و ژینگەی هەرێم لە هۆشدارییەکەیدا ئاماژەی بەوە کردووە، “لە حاڵەتی کەوتنی بەفرێکی زۆر باڵندە و ئاژەڵە کێوییەکان بەهۆی دەستنەکەوتنی خۆراک لە ماڵان و ئاوەدانی نزیکدەبنەوە، بۆیە هیوادارین کەس ڕاویان نەکات، هەر کەسێکیش ڕاوبکات سزادەدرێت”.
هۆشدارییەکە ئەوەی ئاشکراکردووە، کە لە ناوچەی سیدەکان حاڵەتی ڕاوکردنی ئاژەڵ و باڵندە کێوییەکان زیاتربووە و پۆلیس چاودێریی ئەو کەسانە دەکات کە دەیانەوێت ڕاوبکەن.
