سۆران عومەر، ئەندامی لیژنەی دارایی لە ئەنجومەنی نوێنەرانی عێراق بە تۆڕی میدیایی ئێستای راگەیاند، دۆسییە دامەزراندنی گرێبەست و سێ یەکەم و خاوەن بڕوانامە باڵاکان ئاراستەی وەزارەتی دارایی عێراق کراوە و وتیشی چاوەڕوانی وەڵامی تەیف سامی، وەزیری دارایی عێراق دەکەین.
سۆران عومەر رایگەیاند، بە نووسراو داوامان لە سەرۆک وەزیرانی عێراق کردووە بۆ دامەزراندنی سێ یەکەمەکانی زانکۆ و پەیمانگاکان و فەرمانبەرانی گرێبەست و خاوەن بڕوانامە باڵاکان بۆ ئەوەی روونکردنەوەمان پێبدەن.
باسی لەوەشکردووە، دواتر نووسینگەی سەرۆک وەزیران داواکەیان ئاڕاستەی ئەمنیندارێتی ئەنجومەنی وەزیران کردووە و لەوێشەوە ئاڕاستەی وەزارەتی دارایی و تەیف سامی کراوە.
سۆران عومەر بە تۆڕی میدایی ئێستای وت، “بۆ ئەو مەبەستە چاوەڕوانی وەڵامی تەیف سامی دەکەن بۆ ئەوەی بزانین رای وەزارەتی دارایی عێراق لەسەر ئەو بابەتە چییە”.
