کاتژمێر 2:00ی دوای نیوەڕۆی ئەمڕۆ سێشەممە، بە کاتی هەرێمی کوردستان، بنکەکانی دەنگدان لە بەشێک لە ویلایەتەکانی ئەمریکا کرانەوە و هاوڵاتییانی ئەمریکی روویان لە بنکەکانی دەنگدان کرد.
لە ویلایەتەکانی ڤێرمۆنت و نیو هامپشایەر، لە کاتژمێر 6:00ی بەیانی ئەمڕۆدا کا هاوکاتە لەگەڵ کاتژمێر 2:00 بە کاتی هەرێمی کوردستان بنکەکان کرانەوە.
بەهۆی جیاوازی کات لە ناوچەیەک بۆ ناوچەیەکی دیکە، پێشکەوتن و دواکەوتن لە کاتی کردنەوەی بنکەکانی دەنگدان بەدیدەکرێت.
سیستمی دەنگدان لە ئەمریکا سیستمێکی جیاوازە و دەنگدەران دەنگ بە کاندیدەکانی سەرۆکایەتی نادەن، بەڵکو دەنگ بە نوێنەرەکانیان دەدەن لە ویلایەتەکان کە ژمارەی هەموو نوێنەرەکان 538 کاندیدە و هەر حزبێک 270 کاندیدی دەربچێت سەرۆکایەتیی ئەمریکا بەدەستدەهێنێت.
