بەهۆی مەترسیی دروستبوونی لافاو سبەینێ یەکشەممە لە ناوەندەکانی خوێندنی سنووری پارێزگای کەرکوک کرایە پشووی رەسمی.
بەپێی راگەیەندراوێکی پارێزگای کەرکوک، بە پشتبەستن بە راپۆرتی کەشوهەوا و لەگەڵ بارانبارینی بەخوڕ لە سەرتاسەری، رێبوار تەها پارێزگاری کەرکوک رێنماییدا بە بەرێوەبەرایەتیی گشتیی پەروەردەی کەرکوک، سبەینێ یەکشەممە، دەوامی رەسمی لەسەرجەم خوێندنگە بنەڕەتی و ناوەندی و دواناوەندییەکانی کەرکوک لە سەرتاسەری کەرکوک رابگرێت.
هەر لە راگەیەندراوەکەدا هاتووە، بڕیارەکە زانکۆ و پەیمانگا حکومیی و ئەهلیەکان دەگرێتەوە.
بڕیارەکەی پارێزگاری کەرکوک ئەو خوێندکارانە ناگرێتەوە کە تاقیکردنەوەی خولی سێیەمیان هەیە، وەک لە راگەیەندراوەکەدا هاتووە.
